काठमाडौँ

पुष १४ गते,

स्व. राजा वीरेन्द्र शान्ति प्रतिष्ठानसहित विभिन्न संघसंस्थाको आयोजनामा सोमबार राजा वीरेन्द्रको ८१ औँ जन्म जयन्ती मनाइएको छ। जावलाखेलस्थित वीरेन्द्रको सालिक तथा तस्बिरमा माल्यार्पण गरी जन्म जयन्ती मनाइएको हो । त्यसअवसरमा वीरेन्द्रको योगदानको चर्चासमेत गरिएको थियो ।

राजा वीरेन्द्र शाह वंशीय राजामध्येका देशभक्त र जनप्रिय राजा मानिन्छन् । दशौं शाहवंशीय राजा वीरेन्द्रले २०२८ देखि २०५८ जेठ १८ गतेसम्म शासन गरेका थिए । उनको प्रारम्भिक शिक्षा दरबारमै भयो । माध्यमिक शिक्षा भारत दार्जीलिङको सेन्ट जोसेफ कलेजबाट पूरा गरेपछि बेलायतको इटन कलेजमा पढे । पछि जापान तथा अमेरिकामा पनि उनले थप अध्ययन गरे । वीरेन्द्रको बिहे २०२२ सालमा ऐश्वर्यसँग भएको थियो ।

वि.सं. २००२ साल पुस १४ गते जन्मिएका वीरेन्द्रको २०५८ जेठ १९ गते नारायणहिटीमा हत्या भएको थियो ।