काठमाडौँ । संयुक्त राष्ट्रसंघको ८१औँ महासभामा सहभागी हुन प्रधानमन्त्री वालेन्द्र शाह आज साँझ अमेरिका प्रस्थान गर्ने भएका छन्। प्रधानमन्त्री शाहको अनुपस्थितिमा अर्थमन्त्री डा. स्वर्णिम वाग्लेले कार्यवाहक प्रधानमन्त्रीको जिम्मेवारी सम्हाल्ने भएका छन्।

प्रधानमन्त्री शाह आज साँझ ७ बजे संयुक्त राष्ट्रसंघको महासभामा सहभागी हुन अमेरिकाको न्यूयोर्क प्रस्थान गर्ने कार्यक्रम रहेको छ। आफ्नो विदेश भ्रमणका क्रममा सरकारको दैनिक कार्य सञ्चालनमा निरन्तरता दिन उनले कार्यवाहक प्रधानमन्त्रीको जिम्मेवारी अर्थमन्त्री वाग्लेलाई तोक्न राष्ट्रपति रामचन्द्र पौडेलसमक्ष सिफारिस गरेका थिए।

प्रधानमन्त्रीको सिफारिसका आधारमा राष्ट्रपति पौडेलले अर्थमन्त्री वाग्लेलाई प्रधानमन्त्रीको अनुपस्थितिमा कार्यवाहक प्रधानमन्त्रीको जिम्मेवारी तोकेका हुन्। प्रधानमन्त्री शाहको विदेश भ्रमण अवधिभर वाग्लेले कार्यवाहक प्रधानमन्त्रीका रूपमा सरकारको नेतृत्व गर्नेछन्।

प्रधानमन्त्री शाहले संयुक्त राष्ट्रसंघको ८१औँ महासभामा असोज ८ गते सम्बोधन गर्ने कार्यक्रम रहेको छ। महासभामा सहभागिता जनाएर प्रधानमन्त्री शाह असोज १० गते स्वदेश फर्किने तालिका रहेको छ।

प्रधानमन्त्रीको भ्रमण अवधिमा कार्यवाहक प्रधानमन्त्री वाग्लेले मन्त्रिपरिषद् तथा सरकारका नियमित कामकारबाही सञ्चालन गर्नेछन्।