काठमाडौं । ‘जेन जी’ आन्दोलनकारीको आक्रमणमा परेको निजी क्षेत्रले आफूहरू थप सशक्त भएर अगाडी बढ्ने प्रतिक्रिया दिएको छ । आन्दोलनमा उद्योगी तथा व्यवसायीका घर र व्यवसायहरू तोडफोड, लुटपाट र आगजनीको घटनामा परे पनि निजी क्षेत्रले हार नमान्ने सन्देश दिएका हुन् ।

भाटभटेनी सुपरमार्केटले दुखद क्षणबाट गुज्रिए पनि अझै आशा नहराएको जनाएको छ । जेनजी आन्दोलनमा आन्दोलनकारीले देशभरका विभिन्न ठाउँमा रहेका भाटभटेनीमा आगजनी, तोडफोड र लुटपाट मच्चाउँदा अर्बौँको क्षति भएको छ ।