काठमाडौँ । भारतका गृह तथा सहकारिता मन्त्री अमित शाहले काठमाडौँस्थित पशुपतिनाथ मन्दिरका लागि ४० किलो चन्दन सामग्री पठाएका छन्।

पुष्य नक्षत्रको अवसर पारेर पठाइएको उक्त चन्दन नेपालका काँग्रेस सांसद सन्दीप राना मार्फत हस्तान्तरण गरिएको हो। उक्त सामग्रीलाई पशुपतिनाथ क्षेत्र विकास कोष अन्तर्गतको कार्यालयमा औपचारिक रूपमा बुझाइएको छ।

मन्दिरको नित्य पूजा-आराधनामा प्रयोग गर्ने उद्देश्यसहित चन्दन हस्तान्तरण गरिएको हो। हस्तान्तरण कार्यक्रममा मुख्य पुजारी गणेश भट्ट को उपस्थिति रहेको जनाइएको छ।