राजधानीकाे भिविन्न स्थानमा ३ शव फेला
काठमाडौं र ललितपुरका फरक/फरक स्थानमा गरी तीन वटा शव फेला परेका छन् ।
प्रहरीका अनुसार काठमाडौं महानगरपालिका– १६ माछापोखरी वसन्तनगरस्थित क्लासिकल होटलमा एउटा शव फेला परेको छ । नुवाकोटको ककनी गाउँपालिका– ६ घर भएका २८ वर्षीय भोला पाठक बिहीबार मृत अवस्थामा फेला परेका हुन् । काठमाडौं महानगरपालिका–१६ माछापोखरीस्थित मितेरी पुलनजिकै खाली जग्गामा रहेको पुरानो ठेलामाथि पनि अर्का एक पुरुषको शव भेटिएको छ, भने सनाखत हुन नसकेकाे पुरुषको उमेर अन्दाजी ५५ वर्षजस्तो देखिन्छ ।
ललितपुर महानगरपालिका– २५ स्थित नख्खु खोलामा पनि नामथर र ठेगाना नखुलेका अन्दाजी ४५ वर्षीय पुरुष मृत फेला परेको प्रहरीले जनाएको छ ।
आफ्नो प्रतिक्रिया दिनुहोस्