कांग्रेसलाई हराउँदै तिला गाउँपालिकाको अध्यक्ष र उपाध्यक्षमा माओवादी विजयी
जुम्ला । जुम्लाको तिला गाउँपालिकाको अध्यक्षमा माओवादी केन्द्रका मोतिलाल रोकाया र उपाध्यक्षमा गोरीकला बुढा (कल्पना ) विजयी भएका छन ।
रोकाया नेपाली कांग्रेसका एकराज उपाध्यायलाई २१ मतअन्तरले पछि पार्दै विजयी बनेका हुन् । उनले एक हजार ९ सय ३६ मत प्राप्त गरेका हुन । उनका प्रतिद्वन्दी कांग्रेसका एकराज उपाध्याय एक हजार ९ सय १५ मत प्राप्त गरेका हुन् ।
त्यस्तै, उपाध्यक्षतर्फ माओवादी केन्द्रकी कल्पना विजयी भएकी छन् । उनले २ हजार ४ मत प्राप्त गरेकी छन्। उनकी निकटतम् प्रतिद्वन्दी कांग्रेसकी सुस्मा श्रेष्ठले एक हजार ८ सय ७ मत प्राप्त गरेकी हुन् ।
२०७४को निर्वाचनमा तिलागाउँपालिकामा नेकपा ऐमालेबाट रतन नाथ योगी अध्यक्षमा विजयी भएका थिए भने माओवादी केन्द्रकै बिष्णुमाया बुढाले उपाध्यक्षमा जितेकी थिइन् । यसपटक तिला गाउपालिकामा ६ हजार ३ सय ३१ मत खसेको थियो ।
आफ्नो प्रतिक्रिया दिनुहोस्