हेब्रोन सहरमा आक्रमणमा तीन जना प्रहरीको मृत्यु
काठमाडौँ इजरायली कब्जा रहेको वेस्ट बैंकको हेब्रोन सहर नजिकै प्रहरीको गाडीमा भएको आक्रमणमा तीन जना प्रहरीको मृत्यु भएको अधिकारीहरूले बताएका छन्।
आक्रमणमा परी मृत्यु हुनेमा दुई पुरुष र एक महिला रहेका छन् । घटनाबारे जानकारी दिँदै इजरायलका प्रहरी आयुक्त ड्यानियल लेभीले ती प्रहरीहरू यहूदिया र सामरिया जिल्लामा तैनाथ थिए । तरकुमिया क्रसिङ नजिकै भएको आक्रमणमा दुई प्रहरीको घटनास्थलमै मृत्यु भएको थियो । तेस्रो प्रहरीलाई हेलिकप्टरबाट अस्पताल लगिएको थियो जहाँ उपचारका क्रममा उनको पनि मृत्यु भएको थियो।
सन् १९६७ को मध्यपूर्व युद्धदेखि वेस्ट बैंकका केही भाग इजरायलको कब्जामा रहेको छ। यो हप्ता, इजरायलले आफ्नो कब्जामा रहेको वेस्ट बैंकमा ठुलो सैन्य कारबाही सुरु गरेको छ। यसैलाई ध्यानमा राख्दै संयुक्त राष्ट्रसंघले तनाव कम गर्न माग समेत गरेको छ ।
एजेन्सी
आफ्नो प्रतिक्रिया दिनुहोस्