नयाँ प्रकारको कोरोना भित्रिएसँगै सुदूरपश्चिममा पहिलोपल्ट संक्रमितको मृत्यु

धनगढी । नयाँ प्रकारको कोरोना संक्रमणबाट कञ्चनपुरमा एक जनाको मृत्यु भएको छ ।

जिल्लाको भीमदत्त नगरपालिका–१५ का ४५ वर्षीय संक्रमित पुरुषको बुधवार बिहान मृत्यु भएको हो । उनको कञ्चनपुर स्थित महाकाली अस्पतालमा उपचार भइरहेको थियो ।

भारतको गुजरातबाटै कोरोना संक्रमित भएर आएका पुरुषको नेपालमा पनि कोरोना संक्रमण पुष्टि भएको थियो ।

२२ गते अस्पतालमा भर्ना भएका सङ्क्रमित पुरुषको उपचारको क्रममा बुधवार बिहान मृत्यु भएको महाकाली अस्पतालका व्यवस्थापक दीपेन्द्र रावलले जानकारी दिए ।

सुदूरपश्चिम प्रदेशमा नयाँ प्रकारको कोरोना संक्रमण भित्रिएपछि पहिलो पटक सङ्क्रमितको मृत्यु भएको हो । अहिले कैलाली र कञ्चनपुरमा सङ्क्रमितको सङ्ख्या बढिरहेको छ ।

Like Share on Social media
  •  
  •  
  •  
  •  

माओवादी स्थायी कमिटी बैठक सर्‍यो