काठमाडौँ 

पुष १४ गते,

नेपाली काँग्रेसका नेता तथा पूर्व गृहमन्त्री रमेश लेखकले जाँचबुझ आयोगमा बयान दिएका छन् ।

भदौ २३ र २४ गतेको जेन जेड आन्दोलनमा भएको जनधनको क्षतिको विषयमा बयान दिन लेखक सिंहदरवारस्थित जाँचबुझ आयोग पुगेका थिए । मध्याह्न करिब १२:३० बजे बयानका लागि पुगेका उनी करिब ३ बजे आयोगको कार्यालयबाट बाहिरिएका छन् ।

जेन्जी आन्दोलन हुँदा लेखक गृहमन्त्री थिए । आयोगले लेखकलाई पुस १३ गते उपस्थित हुन भनेको थियो । तर उनी एक दिन ढिला गरी आज बयानका लागि सिंहदरवार पुगेका हुन् ।

त्यस्तै उनले आजै पत्रकार सम्मेलन गरेर जेन जेड आन्दोलनको विषयमा आफ्नो धारणा पनि सार्वजनिक गरिने जनाएका छन् ।

जेन जी  आन्दोलनको घटना छानबिनका लागि सरकारले पूर्वन्यायाधीश गौरीबहादुर कार्कीको नेतृत्वमा उच्चस्तरीय जाँचबुझ आयोग गठन गरेको छ ।