जनकपुर

मंसिर ११ गते,

कृषिका कर्मचारीहरुलाई वर्मीकम्पोस्ट मल उत्पादन सम्बन्धि विषयगत क्षमता विकास सम्बन्धी ६ दिने तालिम सम्पन्न भएको छ । मधेश प्रदेशका विभिन्न जिलाका कृषि ज्ञानकेन्द्र तथा स्थानीय तहका कृषिका चौथो र पाँचौ तहका कर्मचारीलाई मंसिर २ गतेदेखि ७ गतेसम्म तालिम चलेको हो ।

कृषि व्यवसाय प्रवद्र्धन सहयोग तथा तालिम केन्द,्र मधेश प्रदेश नक्टाझिजले तालिम प्रदान गरेको हो । तालिम केन्द्रका निर्देशक रोशनकुमार मेहताको अध्यक्षता तथा कृषि विकास निर्देशनालय मधेश प्रदेशका प्रमुख जितेन्द्र यादवको प्रमुख आतिथ्यमा तालिमको समापन गरिएको छ ।

तालिमको समापन गर्दै यादवले विगतमा हुने गरेको रासायनिक मलको अभावको विकल्पमा कम्पोस्ट मल उत्पादनमा ध्यान दिनुपर्ने बताए । उनले भने ‘रासायनिक मलमै निर्भर भएर बस्यो भने भविषयमा अझ कठिन परिस्थिति आउन सक्छ । रासायनिक मलका विकल्पहरु सोच्नु पर्ने हुन्छ । पशुपालन हराइरहेकोमा प्रोत्साहन गर्नु पर्छ ।’