कञ्चनपुर

मंसिर ९ गते,

कञ्चनपुरस्थित महाकाली नदीमा एक युवक वेपत्ता भएका छन्। मंगलबार भीमदत्त नगरपालिका– १२ ऐरी ओदालीका २३ वर्षीय रोशन दमाई चारलेन महाकाली पुल नजिकैबाट बेपत्ता भएका कञ्चनपुरका प्रहरी प्रवक्ता सागर बोहराले बताए।

दमाई घरबाट दिउँसो बयर टिप्न नदीतिर हिँडेका थिए। नुहाउने क्रममा उनी बेपत्ता भएका बताइएको छ। हिउँदमा महाकाली नदीको बहाव कम हुने भए पनि दमाईँ बेपत्ता भएका हुन्।  भारतमा बस्दै आएका उनी केही दिनअघि मात्रै घर आएका थिए।

गोताखोर नहुँदा दमाईँलाई खोज्न समस्या भएको प्रहरीले जनाएको छ। अहिले नेपाल प्रहरी र सशस्त्र प्रहरीसहित स्थानीयले उनको खोजी गरिरहेका छन्।