सुशीला कार्कीले देश बनाउन पाएको अवसर त छ नै, सँगसँगै बाटोमा काँडैकाँडा बिछ्याइएको छ । जुनसुकै बेला उनलाई ती काँडाले घोच्नेछ । जता जान खोज्दा पनि सहज हुनेछैन ।
कुलचन्द्र भट्टराई,‘बा’ हरूको शासनबाट आजित र प्रताडित जनताले गरेको विद्रोहपछि राज्य सञ्चालनको जिम्मेवारी ‘आमा’ को काँधमा आइपरेको छ । भ्रष्टाचार र कुशासनले जकडिएको ‘बा’ हरूको शासनबाट जनताले तत्कालका लागि मुक्ति पाएका छन् । भलै ‘बा’ हरूले संविधान र कानुनको त्यान्द्रो समात्दै अझै सत्तामा फर्कने संघर्ष जारी राखेका छन् ।