कप्तान धोनीले तीन रेकर्ड बनाएको खेलमा चेन्नाईको हार

काठमाडाै । इन्डियन प्रिमियर लिग (आईपीएल) मा कप्तान महेन्द्र सिंह धोनीले तीन वटा रकेर्ड बनाएको खेलमा चेन्नाई सुपर किङ्स राजस्थान रोयल्ससँग सात विकेटले पराजित भएको छ ।

हिजो धोनीका लागि आईपीएलको २००औँ खेल थियो ।

चालु सिजन चेन्नाईको यो सातौँ हार हो ।

उनी आईपीएलमा २०० खेल खेल्ने पहिलो खेलाडी बने ।

त्यस्तै उनले चेन्नाईका लागि चार हजार रन पनि पूरा गरे ।

उनले सञ्जु सैमसनको क्याच लिएर आईपीएलमा १५० औँ क्याच लिने पहिलो खेलाडी पनि बने ।

तर, उनले आफ्नो टीमलाई भने जिताउन सकेनन् ।

टस जितेर पहिले ब्याटिङ गरेको चेन्नाईले गतिलो प्रदर्शन देखाउन सकेन। उसले २० ओभरमा पाँच विकेट गुमाई १२५ रन बनायो।

१२६ रनको सहज लक्ष्य राजस्थानले १७.३ ओभरमा तीन विकेट गुमाएर भेट्टाएको थियो। २८ रनमै तीन विकेट गुमाएको राजस्थानका लागि जोस बट्लरले धुवाँधार ब्याटिङ गरे। पाचौँ नम्बरमा आएर उनले ४८ बलमै ७० रन बनाए ।

चेन्नाईका लागि रविन्द्र जडेजाले सर्वाधिक ३५ रन बनाए। कप्तान धोनी २८ बलमा २८ नै रन बनाएर रनआउट भए ।

उनी क्रिजमा आएपछि कप्तान स्टेभेन स्मिथले अधिकांश स्ट्राइक उनैलाई दिएका थिए। चेन्नाईका लागि दीपक चाहरले दुई विकेट लिए ।

चेन्नाई अंकतालिकाको अन्तिममा छ। राजस्थानको १० खेलबाट आठ अंक छ र अंकतालिकाको पाचौँ स्थानमा छ ।

चेन्नाईको १० खेलबाट तीन जितसहित ६ अंक छ ।

Like Share on Social media
  •  
  •  
  •  
  •  

२४ घण्टामा १ हजार ७०३ सङ्क्रमित थपिए

कोरोना संक्रमितको चितवनमा मृत्यु