च्यासलस्थित एक क्याफेमा ग्राहकको हत्या
काठमाडौं ललितपुर महानगरपालिका–९ च्यासलस्थित एक क्याफेमा ग्राहकको हत्या भएको छ । द टाउन क्याफेमा सुनसरीको इटहरी घर भई काठमाडौँमा इन्जिनियरिङ अध्ययनरत विद्यार्थी नयन गुरुङको हत्या भएको हो ।
गएराति ९ बजेतिर बिल तिर्ने विषयमा विवाद हुँदा एक कर्मचारीले चक्कु प्रहार गरी उनको हत्या गरेको ललितपुर प्रहरी प्रमुख एसएसपी शेखर कोइरालाले बताए । प्रहरीकाअनुसार गुरुङमाथि काउन्टरका कर्मचारीसहित तीन जनाले कुटपिट तथा चक्कु प्रहार गरेका थिए ।
हत्या अभियोगमा उक्त रेष्टुरेन्टमै काम गर्ने २६ वर्षीय हेमराज भट्ट, २२ वर्षीय जनकबहादुर तामाङ र ४१ वर्षीय पदमलाल भट्ट पक्राउ परेका छन् ।
आफ्नो प्रतिक्रिया दिनुहोस्