यस्तो रहनेछ आज दिनभरको मौसम
काठमाडौं जल तथा मौसम विज्ञान विभागको मौसम पूर्वानुमान महाशाखाको अनुसार तराई र उपत्यकाका केही स्थानमा आज बिहानैदेखि हुस्सु र कुहिरो लागेको छ। यसले यातायातमा समस्या निम्त्याउन सक्ने भएकाले सावधानी अपनाउन सुझाव दिइएको छ। मौसम पूर्वानुमान महाशाखाका अनुसार पश्चिम नेपालमा आजदेखि हिउँदे वर्षा सुरु हुँदैछ। आज राति पश्चिम क्षेत्रका पहाडी र हिमाली भागमा वर्षा हुने सम्भावना छ।
काठमाडौं र पोखरालगायतका ठाउँमा छिटपुट वर्षाको सम्भावना रहेको महाशाखाले जनाएको छ। शुक्रबारदेखि अर्को वर्षा गराउने प्रणाली सक्रिय हुने भए पनि त्यसले मुख्यतस् पश्चिम नेपाललाई मात्र प्रभावित पार्ने बताइएको छ। उच्च पहाडी तथा हिमाली क्षेत्रमा केही स्थानमा हिमपातको सम्भावना छ। यसले जाडो बढाएर जनजीवन प्रभावित गर्न सक्ने भएकाले सतर्कता अपनाउन महाशाखाले आग्रह गरेको छ।
मंगलबार कर्णाली र सुदूरपश्चिममा पनि मौसम बदली भई केही स्थानमा वर्षा र हिमपात हुने सम्भावना रहेको छ।
आफ्नो प्रतिक्रिया दिनुहोस्