अमेरिकी कम्पनी युनाइटेड हेल्थकेयरको सिईओमा गोली हानी हत्या
काठमाडौं अमेरिकी कम्पनी युनाइटेड हेल्थकेयरको बीमा इकाईका प्रमुख कार्यकारी अधिकृत ब्रायन थम्पसनको गोली हानी हत्या गरिएको छ । न्यूयोर्कको हिल्टन होटल अगाडि एक आक्रमणकारीले थम्पसनलाई गोली हानेका थिए । अमेरिकन न्युज पोर्टलका अनुसार ब्लूमबर्गका थम्पसनको छातीमा गोली लागेको थियो ।
कम्पनीको लगानी दिवस सम्मेलनमा सहभागी हुन थम्पसन बुधबार होटल पुगेका थिए । घटना पछि कम्पनीले आफ्ना एक कर्मचारीको स्वास्थ्य अवस्थाका कारण सम्मेलन समय अघि नै सकिएको जनाउँदै कार्यक्रम स्थगित गर्यो । समाचार अनुसार एक मुखौटाधारी व्यक्तिले थम्पसनमाथि गोली चलाएका थिए । गोली लागेपछि थम्पसनलाई माउन्ट सिनाई अस्पताल लगिएको थियो, जहाँ उनलाई मृत घोषित गरिएको थियो ।
न्यूयोर्क पोस्टले प्रत्यक्षदर्शीलाई उद्धृत गर्दै आक्रमणकारी लामो समयदेखि घटनास्थल वरिपरि घुमिरहेको बताएको छ। थम्पसन होटल बाहिर पुगेपछि ती आक्रमणकारीले धमाधम गोली चलाउन थाले । गोली चलाए पछि आक्रमणकारी घटनास्थलबाट भागेका थिए । अहिले प्रहरीले आक्रमणकारीको खोजी गरिरहेको छ ।
यस मुद्दामा प्रहरीले हालसम्म कसैलाई पनि पक्राउ गरेको छैन । आक्रमणकारी भने गोरा भएको प्रहरीले जनाएको छ । प्रहरीका अनुसार आक्रमणकारीले क्रिम रंगको ज्याकेट, कालो फेस मास्क र कालो र सेतो जुत्ता लगाएका थिए ।
आक्रमणमा मारिएका ब्रायन थम्पसन विगत २० वर्षदेखि युनाइटेड हेल्थमा कार्यरत थिए । उनी २०२१ मा कम्पनीको सीईओ बनेका थिए । एजेन्सी
आफ्नो प्रतिक्रिया दिनुहोस्