दैलेखमा पौडी खेल्ने क्रममा डुबेर दुई किशोरीको मृत्यु
काठमाडौँ दैलेखमा पौडी खेल्ने क्रममा डुबेर दुई किशोरीको मृत्यु भएको छ । मृत्यु हुनेमा महावु गाउँपालिका–३, बाँसीका १५ वर्षीय सपना बुढा र १३ वर्षीय भावना बुढा रहेका छन् ।
जिल्ला प्रहरी कार्यालय दैलेखका सूचना अधिकारी दीपक मगराठीका अनुसार गोठाला गएका उनीहरू छामघाट खोलामा पौडी खेल्ने क्रममा डुबेका हुन् । दुवै जना किशोरी जनमालिका माध्यमिक विद्यालय बाँसीमा कक्षा ९ मा अध्ययनरत थिए ।
आफ्नो प्रतिक्रिया दिनुहोस्